ഷക്കീലയെ വിളിച്ചാൽ രക്ഷപെടുമോ KSRTC

 ഹിറ്റ്‌ FM റേഡിയോയിലെ ന്യൂസ്‌ ഡയറക്ടർ  ഷാബു കിളിത്തട്ടിൽ പുറത്തിറക്കിയ പുതിയ പുസ്തകമായ സ്പെഷ്യൽ ന്യൂസിലെ ഒരു ഉള്ളടക്കമാണ്‌ ഞാൻ ഇട്ട ശീർഷകം .

പുതുതായ് ഒന്നും പ്രേതീക്ഷിക്കാതെയാണ്  ഞാനി പുസ്തകം വായിക്കാൻ തുടങ്ങിയത് കാരണം ദിവസവും രാവിലെ 8 മണിയുടെ വാർത്ത കഴിഞ്ഞു കേട്ടിരുന്ന പരിപാടിയായിരുന്നു സ്പെഷ്യൽ ന്യൂസ്‌ , എന്നാൽ കേട്ട് മനസ്സിലാക്കുന്നതിനേക്കാൾ പതിന്മടങ്ങ്‌ ശക്തി വായിച്ചു മനസ്സിലാക്കുമ്പോൾ കിട്ടുമെന്ന് ഒരിക്കൽ കൂടി തെളിയിച്ചിരിക്കുന്നു ഈ പുസ്തകം .

നമ്മുടെ സമൂഹത്തിൽ നടന്ന പല വിഷയങ്ങളും ജനങ്ങളുടെ മനസ്സിൽ കൊടുത്ത സന്ദേശമെന്താണെന്ന് ഭരണാധികാരികൾക്ക് മനസ്സിലാക്കാൻ പറ്റിയ ഒരവസരം എഴുത്തുകാരൻ  ഇവിടെ  നൽകുന്നു .

ഈ പുസ്തകം എല്ലാകാലവും ഈ മണ്ണിൽ നിൽക്കും , അതിത്ര  ഉറപ്പിച്ചെങ്ങനെ  പറയുന്നെന്നാൽ,
എനിക്കു ഇഷ്ട്ടപ്പെട്ട ഒരു തിരക്കഥകൃത്താണ്  ശ്രീനിവാസൻ സർ,
അദേഹത്തിന്റെ പഴയകാല സിനിമകളും ഇന്നത്തെ രാഷ്ട്രിയവും കാണുമ്പോളെങ്ങനെയാണോ അങ്ങനെ തന്നെയാണ് ഈ പുസ്തകവും.

വലിയ വിഷയങ്ങൾ നർമ്മത്തിൽ പൊതിഞ്ഞു വിളമ്പിയിരിക്കുന്നു ഇവിടെ. കഴിക്കുന്നവർ അകത്തുള്ള കയ്പ്പ് മധുരത്തിൽ സേവിക്കുകയും, കുറച്ചു ചിന്തിക്കുമ്പോൾ ആ കയ്പ്പിനെ മധുരത്തിനിടയിൽ നിന്നും തിരിച്ചറിയുകയും ചെയ്യുന്നിവിടെ . വായനയുടെ രസം ഒരിക്കലും നഷ്ട്ടമാക്കുന്നില്ല എഴുത്തുകാരൻ ഇവിടെ ,

ഒരു വിഷയം തന്നെ പല കോണുകളിലുടെ നോക്കി മേലാളന്മാരുടെ പ്രീതി പിടിച്ചു പറ്റാൻ വിഷയം വളച്ചൊടിച്ചു ജനങ്ങളുടെ മുന്നിൽ അവതരിപ്പിക്കുന്ന ചില മാധ്യമ സ്നേഹിതർക്കു ഈ ഒറ്റയാന്റെ എഴുത്തൊരു പാഠമായിരിക്കും .

ഇതിൽ ഒരുപാടു കാര്യങ്ങൾ പറഞ്ഞു പോകുന്നുണ്ടെങ്കിലും  KSRTC യും അതിന്റെ വകുപ്പിനെതിരയും പറഞ്ഞൊരു ചെറിയ കാര്യം പറഞ്ഞു ഞാൻ നിർത്തുന്നു  ബാക്കി ഉള്ളത് പുസ്തകം വാങ്ങി വായിച്ചു അഭിപ്രായം പറയുമെന്ന് വിശ്വാസത്തോടെ ...

ഷക്കീലയെ വിളിച്ചാൽ രക്ഷപെടുമോ  KSRTC

വർഷങ്ങളായ് അയാൾ ഒരേ കൃഷിയിടത്തിൽ തന്നെ കൃഷി ചെയ്യുകയാണ് , അതിന്റെ മൂലയിൽ ഒരു പാറയുണ്ട് ,അത് നീക്കം ചെയ്യാതെ അതിനു ചുറ്റുമാണ് കൃഷിയിറക്കി കൊണ്ടിരുന്നത് , നിലം ഉഴുമ്പോഴും ,വിത്ത് വിതക്കുംപ്പഴും ആ പാറ അങ്ങനെ തന്നെ ശല്യമായ് നിന്നെങ്കിലും അയാളത്  മാറ്റാൻ തുനിഞ്ഞില്ല അതു മാറ്റാനുള്ള പാടുകൊണ്ട് ,,, അങ്ങനെ ഇരിക്കെ കുറെ കാലമായ് ശല്യമായ് നിന്ന പാറ മാറ്റാൻ അയാൾ തീരുമാനിച്ചു , അന്നാദ്യമായ്‌ കർഷകൻ ആ പാറ സുക്ഷ്മമായ് ഒന്ന് നോക്കിയിട്ട്  കൈയ്യിൽ ഉണ്ടായിരുന്ന കുടം കൊണ്ടൊരു ചെറിയ തട്ട് കൊടുത്തു അതിശയമെന്നു പറയട്ടെ പാറയുടെ ഒരുവശം പൊട്ടി വീണു. യഥാർത്ഥത്തിൽ പാറയുടെ മുകൾ ഭാഗത്ത്‌ മാത്രമാണ് ഉറപ്പുണ്ടായിരുന്നത് , കുറഞ്ഞ നേരം കൊണ്ടാ കർഷകന് പാറ പൊട്ടിച്ചു മാറ്റാൻ സാധിച്ചു .

ഇതുപോലെ ഇത്രെയും കൊല്ലമായിട്ടും  KSRTC യുടെ ഗതി കണ്ടിട്ട് സഹിക്കാൻ വയ്യാതെ ഷാബുകിളിത്തട്ടിൽ  പറഞ്ഞ രസകരവും ചിന്തിക്കേണ്ടതും മായ കാര്യം വായിക്കുക .

ഈ പറക്കും തളിക സിനിമയിൽ ദിലീപ് അഭിനയിച്ച കഥാപാത്രത്തിന്റെ ഉടമസ്ഥതയിലുള്ള താരാക്ഷാൻ പിള്ളയെന്ന ബസിന്റെ സാമ്പത്തിക പ്രതിസന്ധിക്ക്  പരിഹാരം കാണുവാനായ് ഷക്കിലയുടെ ഇക്കിളി പടങ്ങൾ കാണിച്ചും കാമിതാക്കൾക്ക് സല്ലപിക്കുവാൻ ബസ്സിനുള്ളിൽ മറ ഉണ്ടാക്കി കൊടുത്തും പണം ഉണ്ടാക്കുന്നതുമാണ്‌ കാണിക്കുന്നത് അതുപോലെ ആസുത്രണ ബോർഡിലൊക്കെ അനേകം ബുദ്ധി രാക്ഷസ്സന്മാർ ഉണ്ടായിട്ടും  KSRTC യെ രക്ഷിക്കാൻ കഴിഞ്ഞില്ലെങ്കിൽ  കടം വീട്ടാൻ ഈ മാർഗങ്ങൾ നോക്കേണ്ടി വരുമെന്ന് ഷാബു ഇവിടെ കളിയാക്കുന്നു ,,
ഇങ്ങനെ ഒരുപാട് വിഷയങ്ങളിലുടെ കടന്നു പോകുന്നതാണ് ഈ പുസ്തകം ...
എല്ലാവരും ഈ പുസ്തകം വായിച്ചു  മറുപടി തരണമെന്ന് പറഞ്ഞു കൊള്ളട്ടെ ,

ഒടുവിൽ KSRTC എന്ന പേരും ആണുങ്ങൾ കൊണ്ടു പോയ്‌  Karnataka State Road Transport ഇതാണ് ഇപ്പോൾ KSRTC