കടൽ കാറ്റും കടലിന്റെ വിസ്മയ കാഴ്ച്ചകളും കണ്ടു നടക്കുന്നതിനിടയിൽ കണ്ട രസകരമായ ഒരു കാഴ്ച്ച ഇവിടെ പങ്കുവയ്ക്കാമെന്ന് വിചാരിച്ചു , വായിച്ചിട്ട് രസകരമാണോ അല്ലയോ എന്ന് ചിന്തിക്കേണ്ടത് നിങ്ങൾ തന്നെയാണെന്ന് പറഞ്ഞു കൊള്ളട്ടെ ആദ്യമേ .
സത്യത്തിൽ " നായിന്റെ മോനെ " എന്ന വിളി കേട്ടാണ് തിരിഞ്ഞത് , തിരിഞ്ഞപ്പോൾ കണ്ടത് ഇപ്പോൾ ന്യൂ ജനറേഷൻ എന്നു വിശേഷിപ്പിക്കുന്ന നമ്മുടെ കുട്ടികൾ തന്നെയാണ് , രണ്ടു പേർ അടിപിടിക്കിടയിൽ ഒരുവൻ മറ്റവനെ വിളിച്ചതാണ് ,കുട്ടുകാർ അവരെ രണ്ടുപേരെയും പിടിച്ചു മാറ്റുന്നുണ്ട് . കുറച്ചു കഴിഞ്ഞു തന്തക്കു വിളികേട്ട കുട്ടിയുടെ ചിരിയാണ് കണ്ടത് , എല്ലാവരും നിശ്ശബ്ദർ ഞാൻ തന്തക്കു വിളിച്ച കുട്ടിയെ നോക്കി അവന്റെ മുഖം അസ്വസ്ഥതകൾ കൊണ്ട് നിറഞ്ഞിരിക്കുന്നു, അവൻ അവനെ പിടിച്ചു വച്ച കുട്ടുകരിൽ നിന്നും കുതറി മാറി നേരെ നിർത്താതെ ചിരിക്കുന്ന കുട്ടിയുടെ അടുത്തേക്ക് നീങ്ങി പറഞ്ഞു തിരിച്ചു വിളിക്കടാ!!!! !!! അവന്റെ ചിരി നിന്നു !!!!!! എന്തു വിളിക്കാൻ എന്നായ് അവൻ !!!!! ഞാൻ നിന്റെ തന്തക്കു വിളിച്ചു, അറിയാതെ വിളിച്ചു പോയതാണ് അതിനു പകരം നീ തിരിച്ചു എന്റെ തന്തക്കും വിളിക്കണം .
എന്നെ അത്ഭുതപ്പെടുത്തി ഈ നല്ല പ്രവർത്തി , എന്തോ ദേഷ്യത്തിന് പെട്ടന്നുണ്ടായ വികാരത്തിൽ തല്ലുന്നതിനിടയിൽ അറിയാതെ വിളിച്ചു പോയത് തെറ്റാണെന്ന് മനസ്സിലാക്കി അത് കുട്ടുകാരുടെ സാന്നിദ്യത്തിൽ തന്നെ സമ്മതിക്കുന്ന ഈ ജനറേഷൻ തന്നെയല്ലേ നമ്മുക്ക് ആവശ്യവും എന്നാൽ ആ സന്തോഷങ്ങൾ അതിക നേരം നിന്നില്ല .
ഞാൻ നിന്റെ തന്തക്കു തിരിച്ചു വിളിക്കില്ലടാന്നു പറഞ്ഞു പിന്നെയും ഒന്നാമൻ നിർത്താതെ ചിരി തുടർന്നപ്പോൾ രണ്ടാമൻ പഞ്ഞടുത്തു ഒന്നാമന്റെ കഴുത്തിൽ ൭൭കകൾ അമർത്തി ശ്വാസം മുട്ടിച്ചു ഒന്നാമൻ ശ്വാസത്തിനായ് നിലവിളിച്ചു , കുട്ടുകാർ കഷ്ട്ടപ്പെട്ടു രണ്ടു പേരെയും പിടിച്ചു മാറ്റി , എനിക്കൊന്നും മനസ്സിലായില്ല........ തന്തക്കു തിരിച്ചു വിളിക്കാത്തതിനു തല്ലുന്ന ഈ ന്യൂ ജനറേഷൻ
കളി എനിക്കു മനസ്സിലായില്ല .
കുട്ടുകാർ ഒന്നാമനേയും കൊണ്ട് നീങ്ങുകയാണ് അവന്റെ ചിരി അപ്പഴും മാറിയിട്ടില്ല അത് എന്നെ പിന്നെയും ആശയകുഴപ്പത്തിലാക്കി അവർ പോയ്‌ മറയുന്നതും നോക്കി ഞാൻ നിന്നു
പിന്നിട് നടന്ന സംഭാഷണങ്ങളാണ് ഈ കുറിപ്പ് എഴുതാൻ ഞാൻ പ്രേരിതനായത്!!!!!!
രണ്ടാമനോട് കൂടെ നിന്ന കുട്ടുകരിൽ ഒരുവൻ,
രണ്ടാമനോടായ്.....
ടാ ... നിനക്കോർമയില്ലേ മുൻപൊരിക്കൽ ഇതുപോലെ ഞാൻ അവനെ വിളിച്ചപ്പോഴും അവൻ ഇതുപോലെ ചിരിക്കുക തന്നെയല്ലേ ചെയ്യ്‌തത് അവൻ അങ്ങനെ തന്നെയാടാ
രണ്ടാമൻ : അതു തന്നെയാട വിഷയം "നീ അന്നു വിളിച്ചത് ", നീ അന്നു അവനെ വിളിച്ചിട്ട് പോയ്‌ അതിനു ശേഷം ഞാനവനോട് ഇതേ ചോദ്യം ചോദിച്ചു ? നീ എന്താ തിരിച്ചു വിളിക്കാത്തതെന്നു??അന്ന് അവൻ തന്ന മറുപടി എന്താണെന്ന് നിനക്കറിയാമോ ???
ഇല്ലേ കേട്ടോ ...
അവനു നായ് എന്ന് വിളിക്കാനെക്കിലും ഒരു തന്ത ഉണ്ടല്ലോ !!!!അതുപോലും ഇല്ലാത്ത അവനെ ഞാൻ എന്ത് വിളിക്കാനെന്നാ
ഇതും പറഞ്ഞു രണ്ടാമൻ നടന്നു നീങ്ങി .......
അവന്റെ സുഹ്രത്ത്‌ ഒന്നും മിണ്ടാതെ അസ്തമയ സുര്യനെയും നോക്കി കുറെ നേരം എന്തോ ആലോചിച്ചു നിൽക്കുന്നുണ്ടായിരുന്നു ..
എല്ലാം കണ്ടു മതിയായ ഞാൻ തിരിച്ചു വീട്ടിലേക്കും നടന്നു.......
NB: "ഒന്നാമൻ : തന്തക്കു വിളികേട്ടവൻ
രണ്ടാമൻ : തന്തക്കു വിളിച്ചവൻ "
ചിന്തിക്കാന് വകയുള്ള വിഷയം നന്നായി അവതരിപ്പിച്ചു.
മറുപടിഇല്ലാതാക്കൂആശംസകള്
നന്ദിയുണ്ട് സർ
മറുപടിഇല്ലാതാക്കൂ